Mangkolemba nung Malaria dak sendakba sentong ka agi

Mangkolemba, Aami/June 28 (TYO): Tanü Sunday School Hall, Mangkolemba Town nung Malaria tashidak samatsütsü atema Stakeholders sensitization sentong ka agiogo; Mangkolemba ya NVBDCP kübok Model village ka ta sangdongogo.
Iba sentong nung DVBO Mokokchung, Dr. S. Marina-i malaria indang jenjang metetdaktsüdang, state nung malaria agi shiranger timtibaji Mangkolemba block nung liasü aser iba block nung iba tashidak agi shiranger ka dang liasü, ta ashi.
Ano tesüiba küm pezü medemdangra malaria agi shirangba tajemba akümba osang lir; 2015 küm 73, 2016 küm 64, 2017 küm 39 aser 2018 küm nung bo malaria agi shiranger ka dang liasü.
Kasa sentong nung Kohima nungi State representative, Narola IEC Consultant-i Mangkolemba atema mangdang aser nükjidongtem lemsatepa liasü. Sentong nungsa stakeholders den teinyaktsü mapatem aser committee osang nung o lemtepa liasü.
Iba sentong ya Imkummongba, District Consultant Mokokchung lenniba nung agi aser Malaria Officer, Imnawati-i tepela anküp o jembia liasü.