Mangkolemba nung NMOOP-II kübok training ka agi

Mangkolemba, October 22 (TYO): October 20, 2017 nü Mangkolemba nung SDAO Mangkolemba-i ayongzüka Mangkolemba sub-division kübok palm oil beneficiaries atema anogo ka training agiogo, ta ketdangsertem osang ka ajanga metetdaktsü.
Iba sentong ya Wb. Onglutsuba (A.O) leniba nung agi aser Wb. A.Temsu (SDAO, Mangkolemba)-i okila jembia liasü.
Training nung Wb. Senep Walling (SDAO)-i Mangkolemba sub-division kübok tang oil palm indang teinyakdak mapatem osang metetdaksü. Iba sentong nung yim 5 nungi aluyimer parnok 25 dena liasü.
Training tembangba sülen machinaries (water pumpsets aser accessories) lema agutsü, iba sülen photography session liasü.