Mangkolemba nung PDS jangotsü jenjang shitak agi ayoktsü

Dimapur, August 4 (TYO): Mangkolemba jila nung public-i mapang talangka Public Distribution System (PDS) kübok jenjang talila agi PHH aser AAY jangotsü ayokba atema ola adoka aru.
Jenjangji Fair Price Shop (FPS) kibur anati sen 5 latet aser ibaji bangdak department nungi Loading & Unloading charges magütsüba ajanga lir, ta Mangkolemba Ao Lanur Telongjem (MALT) tir Tia Jamir aser tongti tezülur Sentimeren Imchen nati tanü sangdong ka nung metetdaktsü.
Iba onük atema July 31, 2017 nü Caretaker Mangkolemba Town Council, All Ward Executive Committees, GBs, Mangkolemba Ao Lanur Telongjem, FPS kibur ana aser F&CS department nungi Store Keeper tem külem senden ka amen aser idangji sorkari lateta aliba aser PHH o AAY schemes kübok jangotsüji seret nung sen 3 agi ayoktsü telemtetba agi.
Iba senden nung adenertem ajak tenüng nung MALT-i bangdak department dang FPS licensed holders nem Loading & Unloading indang nüngdakba taa agüjang ta mepishia metetdaktsü.
Iba taa magütsüba ajanga FPS kiburtem Department aser public tsüngda mejeper. Tang nungi Mangkolemba nung aliba teloktemi government/department-i latetja aliba jenjang dak alia yokyayokji mesüdaktsütsü, ta MALT mendenpurtemisa ashi.