Mangkolemba nung RTI training agi

Dimapur, August 27 (TYO) : August 24, 2016 nü Mangkolemba nung PIOs aser APIOs atema RTI 2005 Act training ka ayongzüka agi.
Iba sentong ya Mokokchung District nungi NGOs aser Academic Institutions tongtipangtem den Administrative Training Institute, Kohima aser Customary Law Court na den yaritepa ayongzük.
Sentong nung mendenji SDO (Civil), Renbemo Ezung liasü aser pai okila jembi.
RTI Act ya sorkar ketdangsübaren nung tashishitsü melii inyaktsü atema yangluba lir aser asenoki iba ya nübortem renlokdaktsütsü atema amshitsüla, ta pai ayongzük.
Sentong nung shisalen sayurtemji EAC Mokokchung, R. Daniel Angami aser EAC Chuchu, Neyazungba na liasü. R. Daniel Angami, EAC-i RTI Act indang metetdaktsü aser Vikhoto Richo, EAC, Tuli-a aden.