Mokokchung, June 09 (TYO): June 09, 2017 nü Mangkolemba Sub-Division nung mezüngbuba SBI ATM Additional Deputy Commissioner, Mangkolemba, T. Imtiwapang Aier-i lapoktsüogo.
Iba sentong nung tetushi tejaokerji Assistant General Manager, Regional Branch Office, Mokokchung Zone, Lalkholum Hangsing liasü, aser kasa sentong nung Adhoc Town Committee züngsemtem, Ward Chairman tem, Gaonbora tem aser Dobashi tem aden.
Sentong nung jembidang ADC-i, jila nung kanga nüngdaka aliba ATM lapokba ajanga Mangkolemba jila nüburtem ajangzüktsü aser Mangkolemba Sub-Division nübura ajak ajangzüktsü, ta metetdaktsü.
Paisa nüburtem dang banking facilities amshiba ajanga Mangkolemba jila nung banking system ajungkettsütsüla, kechiyong ibaji ajanga tarutsü nung ano maongka tajungba angutsü, ta metetdaktsü.
Mangkolemba Town Baptist Arogo Pastor, Dr. Akok Amer-i sarasademba sülen iba ATM lapokja liasü.
Mangkolemba nung SBI ATM lapoktsü added by nungsang on
View all posts by nungsang →
You must be logged in to post a comment Login