Mangkolemba nung SDPDB senden agi

Dimapur, November 6 (TYO) : November 5, 2015 nü Dobashi Court, Mangkolemba nung Sub-Divisional Planning & Development Board senden agi.
Iba senden nung mendenji Agriculture Parliamentary Secretary, Dr. Benjongliba Aier liasü.
Senden nung Dr. Benjongliba Aier-i tesentepertem ajak pelaa agizük aser ADC o SDO (Civil) nati mapa tajung inyakba atema tenüngsang agütsü aser NRBM & DAN Chairman, Dr. Longriniken-ia tebilemba kar lemsatep.
ADC, Mangkolemba, T. Imtiwapang-i taoba senden nung jembiba onüktem zünga ashi aser September 2015 nung lokti nübodoka mapa inyakdang MLA tem, ketdangsertem aser Public-i nungita yariba atema pai pelaba metetdaktsü.
Senden nung SDO (Civil), Renbomo Ezung-i ADC Office New Building, Treasury Office aser Tourism Amenities Centre lapokba sentong dak sendakba senotsü osang metetdaktsü.
November 13, 2015 nü ADC Office, Sub-Treasury office aser Tourist Amenities Centre, Mangkolemba lapokba sentong agitsü.