Mangkolemba nung SDPDB senden menogo

Dimapur, December 15 (TYO): Mangkolemba Sub Division Planning Development Board (SDPDB) ita shia amenba senden December 14, 2015 nü menogo, ta SDPDB sangdong ka ajanga metetdaktsü.
Iba senden Mangkolemba ADC, Imtiwabang Aier-i ketdang asü aser pai board nung züngsemtem pela agizükba mapang, Soil Department nung SDO tasenba, Hetoho. Y. Swu den tarur ajak metetpeladakja liasü.
Taoba ita SDPDB senden nung lemtetba repangdangba sülen ADC-i tesüiba ita Additional Deputy Commissioner office aser tanga office tem lapokba mapang Mangkolemba jila nung department ajak nungi ketdangsertemi yaritepba asoshi pelaba metetdakja liasü.
Tzü bener aruba pipe kilometre 16 talang melentsübaji 2016 küm atema mezüng project asütsü aser iba mapang tang aliba pipe tejentemji Mangkolemba jila nung aliba PHED Department kübok High Density Polyethylene (HDPE) pipe tem agi melentsü, ta sangdong nungsa shia lir.