Mangkolemba nung TR Zeliang-i ADC office tasen semzüktsütsü

Dimapur, November 12 (TYO) : November 13, 2015 nü Nagaland Chief Minister, T.R Zeliang-i Mangkolemba nung ADC office tasen lapoktsütsü.
Kasa anogo nung Treasuries & Accounts Advisor, Dr. T.M Lotha-i Sub-Treasury Office Mangkolemba aser Municipal Affairs, Economic & Statistic, Parliamentary Secretary, R. Tohanba-i Tourist Reception Centre lapoktsütsü.
Iba sülen Mangkolemba public ground nung Changkikong, Japukong aser Tsurangkong Mungdangtemi Nagaland chief minister pela agizükba sentong ka ayongzüka agitsü.
Sentong nung Home Minister, Y. Patton, Commissioner aser Nagaland Sentiyanger Imchen natia o jembitsü aser Ex-Minister Chubatemjen-i tsükong asem tenüng nung o jembitsü. Sentong nungsa Dibuia, Japu aser Aosenden village council temi yartsüngsangtsü aser NBRM & DAN Chairman Dr. Longrineken-i anküp tepela o jembitsü.