Mangkolemba SDPDB March ita senden amen

Dimapur, March 6 (TYO) : Honibarnü Mangkolemba ADC office nung March ita atema SDPDB senden amen. Sendenji ADC & Vice- Chairman SDPDB, Imtiwapang Aier lenisüba nung amen.
Imtiwapang Aier-i Board züngsemtem ajak pela agizük aser talisa Tsurangkong BDO tasen, L. Koshih Konyak pela agizük.
Paisa, Assam nung mulungtet tekoktemi lenmang shibanga lungkak aitba sentong ayongzükba aser Assam Nagaland arrtsülen tensa indang osang metetdaktsü.
SDPDB senden nung Changdang Village Council-i Agri-Link road yanglutsü atema teyari meshiba onük benok aser iba asoshi DBs-i physical verification agitsü aser iba sülen Board-i bangdak department dangi abentsü telemtetba agi.
Railtel maparen ajanga lenmang raksatsüba khuret benoka lemsatepdang, iba Agency nungi Nodal Officer-i Executive Engineer PWD o ADC den tongteprateptsü atema anogo 10 nü agütsütsü lemtet. Mapang agütsüba tsüngda tongtepratep kecha mesüra Railtel maparen anenja atatsü,
Senden nungsa ADC-i SDPDB züngsemtem February 9 & 10 anogotem Alongkima circle/ Changkikong tzükong kübok yimtsüngtem sema senzüba osang metetdaktsü.
March 17 & 18 anogotem nung SDPDB züngsemtemi Longchem Circle/Japukong tzükong semdangtsü telemtetba agi.