Mangkolemba SDPDB senden agitsü

Dimapur, October 31 (TYO) : November 5, 2015 anepdang 11:00 ako nung ADC office nung Mangkolemba Sub Division Planning Development Board senden alitsü, ta sangdong ka nung metetdaktsü.
Iba senden nung 29th Jangpetkong aser 30th Alongtaki atema 2015-16 LADF schemes indang jembitsü anungji SDPDB Chairman-i Head of offices ajak adentsü tetuyuba agütsüogo, ta ADC Mangkolemba-i sangdong ka nung metetdaktsü.
Anosa, iba senden nung November 13, 2015 nü agitsü aliba sentong indang nüngdak lemsateptsü aser senden nung onük kar benoktsü lira November 4, 2015 tashi nung agüjang, ta ADC Imtiwapang Aier-i sangdong nungsa shia lir.