Mangkolemba SDPDB senden amen

Mokokchung, Rongchii/April 09 (TYO): Rongchii (April) ita atema Mangkolemba Sub-Divisional Planning and Development Board senden Rongchii 06, 2018 nü ADC Office Mangkolemba nung ADC Mangkolemba, Razouvolie Dozo mendenbuba ser menogo, ta tanü ketdangsertem osang ka ajanga metetdaktsü.
Senden nung Chairman-i züngsemtem pelaa agizük, aser tawa agiba Assembly election takok ngua agitetba atema office tekolakpur ajak dang pelaba metetdaktsü.
Senden nung züngsemtemi GPS Akumen agi GMS jenjangi ajungkettsü aser Baptist Higher Secondary School, Mangkolemba Principal-i grant-in-aid atema application agütsübaji temaba ketdangsertem matsüngdang benoktsü lemtet.
Senden nung züngsemtemisa public ground Nokyu ward nung rostrom yanglutsü, leper leni aoba lenmang yanglutsü aser leper nung tzü mesangokba den light mesangoktsü atema o lemtepa liasü.