Mangkolemba SDPDB senden menogo

Mangkolemba, August 05 (TYO): Mangkolemba District Planning & Development Board senden August 04, 2017 nü ADC’s Conference Hall, Manglolemba nung menogo.
Vice Chairman, SDPDB aser ADC, Mangkolemba, Imtiwapang Aier-i senden nung züngsem ajak pelaa agizük aser parnok dang ita shia iba senden nung medema adentsü ayongzük.
Senden nung EAC, Trongtiba Tongpi-i züngsemtem dang PWD aser yimdaklirtemi tzüngluruwa mapang nung apu ponger aoba sülen khen atema apu yangluba aser Longchem tesem nung anentsüh indokba indang osang metetdaktsü.
Ano Industry Department Manager, Asangla-i lar department-i inyakba mapatem osang metetdaktsü.
Senden nungsa Delano Memorial School, Puneboto upgrade asütsü atema jembi aser ibaji temaba ketdangsertem matsüngdang benoktsü lemtet. Iba den külemi functional Manager, Industry Department nung gari aser office nüngdaktem aser Luyong yimdak health sub-centre amenoktsü atema jembi aser anaprong atema temaba ketdangsertem matsüngdang benoktsü lemtet. Iba den külemi APRO Office, Mangkolemba nung Information Assistant ka atema mepishitsü aser taruba Independence Day anogomong atema mapa lemzüktsütsü lemtepa liasü.