Mangkolemba SDPDB senden nung Temjen Imna Along aden

Dimapur, Yimpoksüi/November 19 (TYO): Mangkolemba Sub-Division Planning and Development Board senden November 18 nü Customary Law Court Mangkolemba nung menogo. Iba senden ya tawa shimba mendenbuba, Minister Higher Education & Technical Education and Tribal Affairs Temjen Inna Along lenisüba kübok agi.
Board züngsemtem den o jembiba amapang mendenbubai lokti tentet balala nem kanga temulung magütsüi sub-division lenla ajak nung renlokyonga aotsü atema governance dak tali rangloker inyaktsü asoshi ajungshi.
Senden nung onük balala benoka sensak asemba sülen board-i, Food & Civil Supplies Department kübok Merangmen Hq nung Public Distribution Center (PDC) ka tentettsü asoshi benok; Sub Treasury Office Mangkolemba lenmang yanglushitsü aser Longnak nung EAC post ya amenoktsü lemtet.
Maneni sentong nungsa Sub Divisional Agriculture Officer Mangkolemba aser SDO (PHED) nati Power Point presentation agüja liasü.