Mangmetong Union Kohima küm 50 ajungba Jubilee amongtsü

Kohima, Mongputeni/October 24 (TYO): Mangmetong Senso Telongjem Kohima, (Mangmetong Union Kohima) küm 50 ajungba Golden Jubilee Mongputeni/October 27, 2018 nü anepdang 10:30 nungi Regional Centre of Excellence for Music & Performing Arts (RCEMPA), Jotsoma nung amongtsü, ta osang ka ajanga metetdaktsü.
Iba Jubilee mong sentong nung tongti o jembirji Rev. Dr. Imchayanger asütsü aser MLA Nagaland, Imkong L. Imchen-i tayongzükba o jembitsü.
Kasa sentong nung Union nung mezüngbuba Tir, M. Nangshi Jamir-i o tatsüka jembitsü; iba sentong ya Dr. Longri Jamir leniba nung agitsü aser Golden Jubilee Souvenir-a sayatsü.