Mangyim jashi

– T. Imnakala.

Ni aser ozü kibong, kiyonger, yimtitem aser ozü lima mangyim jashi khuret atema tanela mulong amsa-a ajepdang KIBUBA nungi ola ka angashi. Jabaso tajungtiba leptokogo, pei chir tila yutsür kijong lanu tepsetogo, tashikartem süchia laoba mesakteti ali nung remogo. Ano taküm aser kibong aika dangi nok bener arutsü. Ni ashi, Kibuba ya kechiba ? “Yakob chirtem atakatemba” ama ter shilem aser Missionary tenla magütsürtem, korortem, anema jembirtem, nemnemertem nem atakatem agütsüogo aser iba atakatemji ‘Chidiyongdiba’ – shi, ango, teronem chiyongtsü dang chiyongnüba temerenshi – ozüng ama mechinüaka temesepba tapu balala kangshia menoker, mangamer, mejaker, ajemer, süchia aoer aser tashitak adoker taneptsü mangur aser shi o tanela naprong asür aser sentsülong akümer. Mal 3:6-12- Ter shilem aser tenla nung aibelenba atakatem. Lipok 15, Anitet 12:40, Tenla nung tera-a aibelena melepsaba nung küm 430 tashi alar tia nung Abraham semchirtem liasü. T. Mapa 5:1 – 11. Temelonger tenla agütsüba nung pei sasa ochimashi agi kinungbu, kinungtsü naprong Tsüngremi tepsetadok. Ani 13:2, 12. Mezüng nu menden lapokpa jabaso ajak Tsüngrem meyong saka asenoki magütsür. Levi 26:1-13, T.Ken 28:1-14, Tashi angaba temoatsü taküm, kibong aser ali aser rongsen nung. Levi 26:14-46, T.Ken 28:15-68. Tashi mangaba temerenshi aser atakatem tulu taküm aser kibong.
Kibuba Tsüngremi asenok koda meteter aser angur Ani 20:5, tsürapur temenen atema par chirtem putu asem pezü tashi merenshitsü.
Yob 13:26, kü lanuwa temenentem kü nem senmang amangdaktsür. Yob 10:14, Ni temenen menara nai ajioka ayur aser kü tai nung nai ni mekümzüker. Yob 14:16 Nai nü menen odang metoktsür. 17, kü ozüng raksaba juli ka nung mejabanga lir, aser kü tai alenbanger.
Sürabang na-a aibelen lir mali? Tai nangzüka melenshi tajungba asü? Tsüngrem O-i yamai ashir, asenok dak temenen mali ta asenoki shira, asenoki pei sasa külakoktsür aser ochibaji asenok dak mali, asenoki asen temenen nangzükra asenok dang asen temenentem adoktsü aser memeshiba ajak asenok merükdaktsütsü, Pa temulong lemtetba aser ochi lir. I Yohan 1:8,9.
Asenoki bilemdangdi, asen lima Yisu yimsü arur küm 150 shi aser asen dangi Revival yoker küm 40 tashi arudang aseni aibelenba, oja, oba aser otzü, obou nungeri Arogo asoshi Tenla ki yangludang, Arogo benjong, mongdang aser Missionary wadang mapa nung ter shilem aser tenla nung Tsüngremi aginüba aser akangba metongtet, magütsütet aibelentem tai nangzüker külen temoatsü tenla temenen alangzükba tepela tenla agüja Kibuba tenzükba shilem agitsü koda tajung. Nai ya angatetra pei chirtem putu aika lia aotsü temoatsü leniba asütsü asoshi nendaka angatetdakjang. Iba Tsüngremer tejashi temerenshi shir daksa arutsü ali asenok nisung shiai sarasademdi. Na mapang jungra anepdang 5 – 7 ako tsüngda sarasademang mesüra anogo nung khenbosa iba tai khuret nangzükang, na tesünep mangu tashi mesüra arishi tepiyong sarasademang, kuli süang.
-Külem teyariteper, Asangla, Akala NMM evangelist 9856234913.