Manipur arrtsülen bomb ka apok

Imphal, March 19 (Agencies) : Manipur o Myanmar na arrtsülen aliba Chandel district kübok Moreh jila nung memetetba nisung kari tapoktsü kanga tesashibo masü ka pokloktsü, ta police ketdangser kati ashi.
Iba lendong nung nisung yiruba mesüra asüba osangbo kecha mali, ta pai ashi.
Paisa ashiba agi, iba tapoktsü ya shishilembartem dang ozüng alema sen meshitsü atema amokmerenba mapa ang asütsü.
Iba jila nung ya prangpong aser drugs shibelenba dang masü saka ozüngi memelaba mapa aika inyaker, ta ketdangser jagisa ashi.
Tang tashi nung iba dak sentakba nung ano shinga pua mali, ta pai shisem.