Manipur aser Mizoram-i takok angu

Assam Rifle CAPF U-19 Football Talent Hunt Tournament

Shillong, June 24 (Agencies): Jawaharlal Nehru Stadium, Shillong nung tanü Assam Rifle CAPF Under-19 Football Talend Hunt Tournament teburtem final asayaba nung Mizoram-i Manipur nem goal 2-1 agüja takok angu. Kasa asayamong nung tetsürtem asayaba nung Manipur-i Meghalaya madak 1-0 agi takok angu.
Iba asaya metenzükdang Assam Rifles indang Director General, Lt Gen. Shokin Chauhan AVSM, YSM, SM, VSM ajanga telok anaprong ajungshia o jembi. Iba asayamong takok nung ayonga mongtetba asoshi tongti tesemdanger, Mizoram Angh, Lt Gen. (Retd) Nirbhay Sharma, PVSM, UYSM, AVSM, VSM-i Assam Rifles dang pelaba o ashi.
Tetsürtem final asayaba nung Meghalaya teloki kanga junga asaya, saka Manipur indang defence meraksatsütet. Iba asayamong nung Manipur telok den asayar telok katia goal kata magütsüteti final tembang.
Meghalaya telokia kanga junga asaya, saka asaya tenzüker minute 47buba nung Manipur tsür, A Roja Devi-i goal ka agütsütet.
Teburtem asaya nung Manipur teloki mezüng goal agütsütet saka Mizoram tebur temi kanga junga mangyangteta iba asaya takok angu.
Iba asaya nung Manipur telok nungi K Omesh Singh-i goal ka agütsütet aser Mizoram telok nungi Vanlallawma-i goal ana agüja iba asaya takok angu.
Iba asaya nung mezüng jenjang nguteter nem sempet sen lakh 1 den North East nungi football asayar mongin, asür DR Talimeren Ao tenüng nung yangluba marok agütsü aser tanabuba jenjang nguteter telok nem sempet sen 60,000 agütsü.