Manipur Assembly by-election nung 70 %-i vote agütsü

Imphal, November 21 (Agencies): Thangmeiband aser Thongju, Manipur nung assembly by-election agiba mapang, tanü, Honibar anüngdang tashi nung noklang nung shilem 70 shi-i vote agütsüogo.

Candidate trok asoshi tanep 7:00 ako nungi tenzükba nikongdang 1:30 ako tashi nung, ajak agi nisung 54,751-i vote agütsüogo, ta SEC sangdong ka ajanga metetdaktsü.

Thangmeiband Assembly constituency nungi voters 26,537 aser  Thongju Assembly nung voters 28,214 lir, ta SEC-i ashi.

Chief Election officer aser Manipur Chief Secretary, O Nabakishore-i, Election Commission of India-i election nung acha ayangtsü asoshi nisung asem den micro-observers aser sector Magistrates tem külemi tanü election acha ayanga liasü, ta ashi.

O Nabakishore-isa ashiba agi, voter identity card meliaka ECI-i mela aliba identity-proof 12–passport, driving licence, PAN card, RGI ajanga agütsüba smart card, pension document, bank passbook, service ID, MPs aser MLAs tem nem agüja aliba official ID–

rongnung ka sayur tashi vote agütsüdaktsüogo.

Manipur nung tan mezüngsüa EVM tem nung candidate tem indang noksa malokja liasü, ta pai ashi.

Thangmeiband Assembly constituency nungi toktepertemji BJP nungi Kh Joykishan, Indian National Congress nungi Jyotin waikhom aser Manipur Democratic People Front (MDPF) nungi GA Tonsana Sharma nunger lir.

Thongju assembly constituency nungi toktepertemji MDPF nungi GA Tonsana Sharma, INC nungi Bijoy Koijam aser BJP  nungi Th Bishwajit Singh nunger lir.