Manipur Cabinet nung minister asem melen

Imphal, April 12 (Agencies): Tanü Manipur nung O Ibobi Singh’er Cabinet minister asem anenba sülen minister tasen asem shimogo.
Cabinet menden angur minister asemji- Ksh Biren (Lamlai), T Manga Vaiphei (Henglep), aser D K Korungthang (Tengnoupal-ST) nunger lir.
Tanü nikongdang Raj Bhavan nung state Angh, V Shanmuganathan-i par asem nem tenangzükba agidaktsüogo, ta sorkar sangdong ka ajanga ashi.
Tanü cabinet nungi anentsür minister temji Forest & Revenue Minister, Th Devendro Singh, Health & Family Welfare Minister, Phungzathang Tonsing aser Rural Development & Panchayati Raj Minister, Francis Ngajokpa nunger lir. Yashi parnoki parnoki sodi meshiba shidi agüja liasü, ta kasa sangdong nung shia lir.
Tenangzükba sentong nung Chief Minister, Deputy CM, state Congress Tir, MLA tem aser sorkar tongti ketdangsertem dena liasü.
Minister temi yimsüsüba nung mulung mesüi Congress MLA 20-i ola adokba sülen minister tem tasen shimogo.
Menden 60 aliba state Assembly nung tang Congress züngsem 47, Trinamool Congress züngsem 5, BJP 2, Naga People’s Front 4, NCP ka aser Lok Janshakti Party züngsem ka lir.