Manipur CBI inspector nem President’s Police Medal agütsü

Imphal, August 18 (Agencies): Mapa nung nendaka inyakba atema Inspector CBI anti-corruption branch (ACB) Imphal, Ashok Kumar Singh nem President’s Police Medal agütsü; Independence Day anogomung nung pa densema ketdangsertem aser CBI ketdangser parnok 28 nem India Tiri Meritorious Service indang award agüja liasü.
Ashok Kumar Singh densema ketdangser 6 nem President’s Police Medal agütsü aser CBI ketdangser 22 nem Police Medal for Meritorious Service agütsü.
Ashok Kumar Singh ya asür, W. Duhar Singh’er jabaso lir. Pa 1981 küm Manipur police nung ASI ama mapai ai aser 2009 küm Inspector akum.
Pa CBI, ACB Shillong aser Imphal branches nung inyakdang pai ken o 15 benteta liasü, aser item rongnung ken o asembo Nagaland nung Central Jail, Dimapur kakpokba dak sendakba aser Naga tsür ka tashiyim amshia raksatsü ta tai tonglokja lokitii nisung ka teseptba ken o densema lir.