Manipur CM-i anir ketdangsertemi jawan trok nem tetushi agütsü

Imphal, May 24  (Agencies) : May 24, 2016 nü Tulihal international airport nung Indian Armed Forces inyakyim nung telungpurtemi kahsetba 29 Assam Rifles sepai trok nem tetushi agütsüogo.

Iba sentong nung Chief Minister O Ibobi Singh, deputy chief minister Gaikhangam, GOC 3 Corps Lt Gen Abhay Krishna, Manipur DGP L M Khaute, Maj Gen VS Sreenivas, IG AR (South) Maj Gen V S Sreenivas, aser Maj Gen S S Mishra, GOC 57 Mountain Divison nungertemi naro yuja tetushi agütsü.

Ano, COAS, GOC-in-C Eastern Command aser DG Assam Rifles nungi naro agüja tasürtem tushi.

Manipur chief minister, Ibobi-i osangbener den jembidang, sepaitem kahsetba inyakyim kukua aitsüba metetdaktsü.

Paisa, ajak longjemer telungpurtem anema raratsü ayongzük aser maneni yimjung bener arutsü atema inyaktsü aser aibelenertem merenshitsü ta metetdaktsü.

May 22, 2016 nü Chandel district kübok Joupi anssa telungpurtemi subedar Baldev Kumar Sharma (Himachal Pradesh), havildar Surjit Barla (Jharkhand), rifleman Pawan Kumar (J&K), rifleman Mahesh Gurung (Uttarakhand), rifleman Bhupinder Singh (Himachal Pradesh) aser rifleman Akhilesh Kumar Pandey (Bihar) nunger kashet.

Parnok ya Hollengjang anasa anentsüh aliba tesem ka semdangba sülen Joupi nung battalion headquarters-i meyipa aodang len tom nung telungpurtemi amak.