Manipur CM-i relief camp semdang

Imphal, January 13 (Agencies) : Manipur Chief Minister Okram Ibobi-i Bodbarnü Kanglatongbi tesem nung lapokba relief camp ka semdang.
January 4, 2016 nü menoknok lendong nung takoksa angur aikati sorkari parnok meyarir ta ashiba mapang ka nung Ibobi-i tanü relief camp semdangogo.
Ibobi den minister aser MLA kar den district ketdangsertemi relief camp semdang aser idakji alirtem dang teyari agütsütsü ta nangzükba sülen parnok ao.
Iba relief camp ya Kanglatongbi nung National Highway-2 anasa aliba school ki ka nung lapoka lir aser nisung 75 shi jenoka lir. Iba tesem nung menoknok ajanga ki 179 raksa, ta idakji alir Shiva Kumar Das-i ashi.
Sorkar osang ka ajanga ashiba agi, Tamenglong district nung nisung noklang aika takoksa ajuru aser parnok asoshi relief camp ana lapokja lir aser Senapati district nung ki 1,000 den timba raksaba nung camp 5 lapokja lir.
Richter scale nung 6.7 asadangba menoknok lendong nung nisung 7 tashi taküm sama asr 100 tema yiru.

You must be logged in to post a comment Login