Manipur Congress-i Pawar den ajurutep

Imphal, November 21, 2019 (Agencies): Manipur Congress legislatures tem telok kati Mongolbarnü National Congress party (NCP) tir Sharad Pawar den ajurutepa NSCN (IM) aser Centre na tsüngda yimjung asoshi ken o jembishinüa aliba dak sendakba nung Manipur jenjang indang lemsatepogo.
Taoba chief minister Okram Ibobi Singh lenisüba kübok züngsem 14-i NCP tekolakba nem tezüluba nung takhangba ka agütsüogo. Parnoki pa dang Naga yimjung ken o ajanga Manipur litsü aser telongjem nung aliba dak mekongshidaktsütsü asoshi jenjang tapet agitsü mepeshiogo, ta Congress lenir-i ashi.
Lenirtemisa Pawar dang Citizenship (Amendment) Bill parliament nung tanaben benokba mapang iba anema maneni nokdaktsü shiogo. Parnok temepishiba angadangba sülen Pawar-i takokba tashi state nung aliba nüburtem tebilemtsü benoka sensaksemtsü tenangzükba agütsüogo.