Manipur High Court-i Trinamool MLA anentsüba magizüker

Imphal, July 11 (Agencies): Trinamool Congress MLA T Robindro anentsütsü tuyuba Manipur High Court-i agienogo.
Manipur nung BJP-i aniba sorkar nungi TMC MLA T Robindro anen aser Congress nung aden.
Hokolbarnü Justice Lanusungkum Jamir aser Justice A Bimol na adenba division bench-i MLA Robindro indang disqualification agientsü tetuyuba agütsü.
Robindro-i High Court nung Manipur Legislative Assembly nungi pa anentsüba anema ken o ka benok.
“Onoki kulitem reprangdangba sülen iba tetuyuba agütsür” ta division bench-i ashi.
HC-isa iba ken o ya July 20, 2020 nü angadangtsü atema anogo shimogo.
Taoba Manipur Assembly election nung Robindro ya Thanga Assembly Constituency nungi Trinamool Congress candidate ka ama takok angu.
Iba sülen pai BJP nungita Manipur nung teloktep sorkar akümba nung aden.
June 17, 2020 nü Robindro-i MLA 5 (NPP aser independent) den külemi sorkar nungi anen aser Congress party den tesentaktep yanglu.
June 18 nü Manipur Speaker indang Tribunal-i pa anti-defection law kübok MLA nungi anentsü. Iba ya BJP MLA Th Satyabrata-i benokba ken o nung ajemdaker telemtetba agiba liasü.