Manipur hill districts nung 7th Economic Census tenzükogo

Imphal, September 10 (Agencies): Manipur kübok tenem district tem- Churachandpur, Kangpokpi, Kamjong, Pherzawl aser Senapati nung deputy commissioner temi Hombarnü pei pei district nung 7th Economic Census tenzüktsüogo.
Senapati district indang Deputy commissioner Somorjit Salam aser Churachandpur district nung deputy commissioner Pawan Yadav nati pei pei DC conference Hall nung iba sentong tenzüktsü.
Senapati DC Salam-i sendaktepa alirtem ajak dang 7th Economic Census nung shilem agitsü atema ayongzük.
Paisa enumerators dang osang shitak bendentsü atema tetuyuba agütsü.
Kamjong district nung Deputy commissioner Kangoo Zuringla, Pherzawl district nung deputy commissioner Mannuamching aser Kangpokpi nung Deputy commissioner Lalithambigai K nungertemi kasa sentong tenzükja liasü.