Manipur-i drugs anema mapa tulu inyaker

Imphal, Rongjui (September) 26 (Agencies): Manipur Chief Minister N Biren Singh lenisüba kübok sorkari drugs anema mapa tulu ka inyaktsü tenzükogo.
BJP-i aniba sorkari Manipur nung drugs khuret azüoktsü atema mapa inyaka arur aser tanü parnoki Imphal East district kübok Pungdongbam nung drugs aika rongdok.
Ozüng alema shibelenba mozütemji Narcotics and Affairs of Borders (NAB) aser Manipur Police-i local civil society aeer public teyari agia apubatem liasü.
Tan ita tetenzüklen Manipur Police-i Thoubal district nung sen crore 14.49 shi alangba drugs apu.
September 19 nü Manipur police nung Narcotics Affairs Border (NAB)-i Lilong tesem nung drugs aika apu aser nsiung asem apu, ta Manipur Police indang PRO-i metetdaktsü.
Mozütem rongnung Ketamine pongdang 4832 dena liasü, ta paisa ashi.