Imphal, February 27 (Agencies) : Honibarnü Manipur nung telok kati Imphal East nungi district tasen ka agiteta tentetang ta takhangba agüja ghonda 48 mokdangtsü sentong ayongzük.
Jiribam Districthood Demand Committee-i lungkak aitba ajanga National Highway 37 nung garitem mesenzü aser ano Imphal East nunga gari lenmang kar noktang.
Iba tesem nung dokan aser shishilembadak ajak shibang aser sorkar office aser tanga rejutem nunga nisung aika maru.
Imphal East district kübok sub-division Jiribam ji district kümdakjang ta takhangba agüja Committee-i lungkak aiter. District jenjang magütsü tashi parnoki maneni lungkak aitba sentongtem agitsü ta metetdaktsüogo.
Manipur nung district 9 lir aser item rongnung Imphal East ya ka lir. State sorkari Jiribam nem district jenjang agütsütsübaji mulunga agizükogo saka tang tashi iba atema mapa kecha meinyaki lir.
District tasen tentettsüba nung lisopur tesem kar densema lir aser ibaji lispourtemi magizüker. Naga nunger telok aikati district tasenba nung Naga nunger yim ka danga medendaktsütsüla ta ashir saka iba tesem nung Naga aser Kuki nunger yimtsüng aika lir.
You must be logged in to post a comment Login