Manipur, Mizoram & Nagaland nung ‘iodized’ metsü shitak achir

New Delhi, September 11 (Agencies): Manipur, Mizoram aser Nagaland state temi ‘iodized’ metsü shitak achir ta tawa survey report ka ajanga ashir.
India Iodine Survey 2018-19 report nung ashiba agi, northeast state asem nung kilen 99% dak temai metsü shitak achir.
Iba survey ya Nutrition International-i All India Institute of Medical Sciences (AIIMS) New Delhi, Association for Indian Coalition for the Control of Iodine Deficiency Orders (ICCIDD) aser Kantar teloktem den yaritepa agiba liasü.
Iba osang ya Member (Health and Nutrition), NITI Aayog Vinod Paul-i metetdaktsü.
Survey ji India kübok state 29 aser union territory 6 nung agi aser parnoki India nunger kilen 76.3% shi kati ‘iodized’ metsü shitak achiba bushitet.
India-i Universal Salt Iodization (USI) atongtsü atema kanga tejakleni ogo, ta survey-isa metetdaktsü.
Iodine peria machiba ajanga ‘thyroid gland’ wakdaktsür aser tanurtem dak tekolok nung timtem adokdaktsür.