Manipur nem Rs 42.46 crore agütsütsü

Imphal, February 28 (Agencies): Brihostibarnü Centre-i Manipur nem Rs 42.46 crore teyari agütsütsü ta metetdaktsü.
Manipur den külemi Andhra Pradesh, Jharkhand aser Rajasthan temia teyari angutsü.
Alima lendong balala atalokba state pezü nem Rs 1604.15 crore central assistance agütsütsü atema sorkari mulunga agizük.
Union home minister Rajnath Singh menden ser high level committee kati National Disaster Response Fund (NDRF) nungi Andhra Pradesh (cyclonic storm ‘Phethai’) nem Rs 82.65 crore, Manipur (floods and landslides) nem Rs 42.46 crore, Jharkhand (drought) nem Rs. 272.42 crore aser Rajasthan (drought) nem Rs. 1206.62 crore agütsütsü mulunga agizük.
Senden nungsa state pezü nem Central Assistance talila agütsütsü atema tebilembatem lemsatep.
Senden nung Union finance minister Arun Jaitley, union minister for agriculture Radha Mohan Singh aser home affairs, finance, agriculture ministry tem nungi ketdangertem den NITI Aayog züngsemtem aden.