Manipur nung 12 buba jiro benjung amunger

Imphal, July 5 (Agencies): Manipur kübok Imphal East district nung jiro indang benjung mungdar.
12 buba State Level Pineapple Festival cum Sellers and Buyers Meet & Youth Festival, 2019 ji Thambalnu Market Complex nung ayonga amunger.
Development Organization Andro Kendra (DOAK)-i Horticulture and Soil Conservation Department den yaritepab iba benjung ayongzüka amunger. Eastern Border Area Development Authority kübok iba benjung ayong.
Jirolu ayimba ajungkettsü aser aluyimertemi züsentetba ajanga tajangzük angutsü nükjidong nung iba benjung ya North Eastern Council (NEC)-i teyari agüja ayongzük.
July 7 tashi stall 115 nung jiro tapu balala sayutsü aser ayoktsü.
Brihostibarnü iba benjung lapokba sentong nung Manipur horticulture and soil conservation minister Thounaojam Shyamkumar, Manipur Building and Other Construction Worker’s Welfare Board chairman MLA Sekmai Heikham Dingo Singh aser Manipur Legislative Assembly deputy Speaker K Robindro Singh nungertem aden.
Sentong nungsa Horticulture & Soil Conservation department Principal secretary J C Ramthanga, social activist Th Babita Devi, DOAK aser state sorkar ketdangsertem aden.
Iba benjungmung nung nikongtsütsü entertainment sentong balala ayonga agitsü aser ‘Pineapple queen’ ta ser beauty contest ka agitsü.
Iba benjung ya 2007 küm nungi Andro Assembly Constituency nung lennirtemi anir mungyonga arur.