Manipur nung 7th Pay Commission tenzüktsü; BJP sorkari tanaben sorkar akümtsü: Biren

Imphal, September 25 (Agencies): Manipur nung 7th Pay Commission inyakyim yakta tenzüktsü ta Chief Minister N Biren Singh-i sorkar college tesayurtem dang nangzük.
“College tesayurtem jaoktsü aser iba onük angatetteptsü atema olemteptsü” ta pai osangbener dang ashi.
Tanü agi anogo tanabuba Manipur nung college tesayurtemi lungkak aitba ajanga class magiteti liasü.
Onoki aiben Chief Minister dang mepishiaka, state sorkari onoki akhangba ama mapa meinyaker, ta Federation of Government College Teachers’ Association-i metetdaktsü.
Biren Singh-isa ashiba agi Manipur nung Bharatiya Janata Party (BJP) sorkari kümsük tembanga inyakba dang masü saka taruba Assembly elections nunga takok angutsü.
Congress councilor 5-i BJP nung adenba atema tenüngsang agütsüba sentong ka nung jembidang Biren-i iba osang metetdaktsü.
“Congress-i ozü sorkar küm ka majungtsü ta takzüa liasü saka tang onoki küm ana ser tesadang süia aruogo” ta paisa ashi.
“Onoki kümsük tembangtsü aser taruba elections nunga takok angutsü” ta Manipur Chief Minister-isa ashi.