Manipur nung AFSPA küm ka atsülanger

Imphal, December 07 (Agencies): Manipur state sorkari Imphal Municipal Area dak alaka state tesem ajak nung December 1, 2016 nü nungi tenzüka Armed Forces (Special Powers) Act, 1958 “Disturbed Area” ano küm ka atsülangshiogo, ta state Additional Chief Secretary(Home), Dr J Suresh Babu-i sangdong ka ajanga metetdaktsü.
Telungpur teloktem rara ajanga Manipur state tesem ajak ya ‘disturbed’ tensa nung lir, ibayongji civil tashi dak alia Armed Forces tashi amshitsü nüngdaker ta state Angh tangatetba nung ajemdaker state ya ‘Disturbed Area’ ta sangdongtsü telemtetba agi, ta kasa sangdong nung shia lir.