Manipur nung ‘Anti Demonetisation Day’ amungtsü

Imphal, November 3 (Agencies): Manipur nung Left teloktemi November 8 nü ‘Anti Demonetisation Day’ amungtsü.
November 8, 2016 nü Prime Minister Narendra Modi-i sen 500 aser 1000 shidisen mamshitsü osang metetdakja liasü.
Imphal nung aliba Irawat Bhawan nung osangbener senden ka nung jembidang, CPI Manipur state unit Deputy Secretary, L Sontinkumar-i “ozüng alema amshiba sen azüoktsü melena demonetization ajanga public nem timtem tulu agütsür” ta ashi.
ATM booth balala nung sen melenteptsü atema nisungtem nokdaktepdang nisung 100 shi asü, ta paisa ashi.
November 8 nü opposition teloktemi Imphal nung lokti sentong balala ayongzüka amungtsü, ta CPI lennirsa shisem.
Manipur tensa indang olen ka ashidang, district ajak nem tashi balaka agütsü nungbo Manipur nung tensa süngjemtsü aser terenlok kasa angutsü ta L Sontinkumar-isa metetdaktsü.