Manipur nung AR-i employment generation centre lapok

Imphal, August 16 (Agencies): 28 Sector Assam Rifles nung Sehlon Battalion-i Tuitong nung employment generation centre ka lapoktsüogo.
Iba tesem ya Dingpi region Samtal nung lir aser Manipur nung tezülen aliba tesemji iba ya lir.
Iba centre lapokba ya iba tesem nung alirtemi pei sasa mapa inyaka liyonga odaktsütsü atema lir aser tang tetsür 20 tashi training agidar.
Training tembangba sülen Manipur state sorkar indang weavers card den certificate agütsütsü.
Assam Rifles Civic Action Programme kübok Sehlon battalion-isa sewing machines 60 aser wool weaving machines 20 agütsütsü. Itemji Phoilen, Tuitong, Old Samtal aser New Samtal yimtsüngtem nung amshitsü, ta AR sangdong ka nung metetdaktsü.
Churachandpur Sector Assam Rifles nung Aina Battalion-ia July 15 nungi August 14 tashi Border Area Development Project (BADP) takok ngua agiogo.
Skill development project ji anogo 30 nü agi aser iba nung arrtsülen alir kaketshir 15 nem carpentry skills training agütsü. Iba ya NESEED den yaritepa inyak.
Iba training nung adenertemi Mudra loan agizüktettsü aser mapa inyaka otettsü, ta AR sangdong nungsa metetdaktsü.