Manipur nung AR-i temesepba mozütem apu

Kohima, Yimpoksüi/November 06, 2019 (TYO): Tengnoupal district kübok Khudengthabi Check Post lendanga ataba mapang Assam Rifles-i sen lakh 92 alang temesepba mozütem ngutetta liasü, ta Lt Col Sumit Sharma-i PRO (Defence) sangdong ka ajanga metetdaktsü.
November 03, 2019 Deobarnü, iba check post nung garitem mita aoba mapang, temulung melemi bilemba Silver sentsü Van gari ka anendaktsü, koba Thoubal District nungi Rafik Khan-i iba gari ania liasü.
Assam Rifles team-i iba gari tema aser telung junga mita bushiba sülen, parnoki sen lakh 92 alang Heroin packet 19 (talep shia gram 230) ngutet.
Iba maparen dak sendakba nung maneni bushisüngdangtsü atema, pua alisang Rafik aser pa ket nungi ngutetba mozütem Moreh Police Station nem bendanga agütsüogo, ta kasa sangdong ajanga metetdaktsü.