Manipur nung Army-i prangpong-injang yangludak ka makdok

Imphal, May 1 (Agencies) : Senapati kübok Phaijang yimtsüng nung Army-i prangpong-injang yangludak ka makdok.
April 27 nü sepaitemi mita aodang iba tesem nungi 9mm pistol 2, pistols ana, Drill machine ka, vice (Furnace marking machine) ka, magazine frames ana ngutet, ta Army sangdong ka nung metetdaktsü.
Iba factory nungsa files 3, Hacksaw blade 2, alphabet punching tools 23, weapon bodies 2, Barrels 2, Recoil spring 3, weapon alignment machine ka, 9mm magazine ana aser tanga osettem liasü, ta sangdong nungsa shia lir.
Iba factory ji Sadar Hills nung telungpur teloktem asoshi prangpong-injang yangludak ka liasü, ta PIB sangdong nungsa metetdaktsü.
Kasa anogo nungsa Indian Army-i Kuki National Front (P) züngsem ka apu. Iba nisungji
Paominthang Singson ta jangjaogo aser April 22, 2016 nü nisung ka dak injang kahloktsüba tatalokba pa dak tai tonglokja lir, ta parnokisa ashi.
Paominthang ket nungi 9mm Pistol ka aser injang round asem ngutet aser pa Imphal Police Station ket nung agütsüogo.
April 28, 2016 nunga Army-i Thadou People’s Liberation Army (TPLA) züngsem ka apu.
Pa ya Chungminlun Khongsai ta jangjaogo aser pa TPLA nung züngsem ta nangzükogo. Senapati district kübok Kangpokpi, Motbung aser Saparmeina tesemtem nung tashiyim agi sen saruba mapa inyakba atema pai nangzük aser pa Imphal PS ket nung agütsüogo, ta PIB sangdong nungsa shia lir.