Manipur nung Bill asem anema tetsürtem lungkak ait

Imphal, September 12 (Agencies): August 31 nü Manipur Assembly nung bill asem agizükba anema September 8 nü nungi tenzüka Joint Action Committee (JAC)-i ghonda 60 mokdang ayongzükba dak sentakba nung Churachandpur jila nung tetsürtemi kiyong balala nung mener lungkak aita item bill asemji agientsü asoshi sorkar nem takhangba agütsüogo, ta police ketdangser kati ashi.
Tetsürtemji Churachandpur jila nung adenshir lungkak aita, “nisung tepsetertem adianu teku ji agüjang”, “Onoki Hills atema administration balaka akhanger” aser “MLA tem anenang” ta yimyim ayima liasü.
September 2 nü tentetba, JAC-i anir nüburtemi item bill asem anema noktakdagi.
August 31 nü nungi tenzüka lungkak aitba mapang Minister ka aser MP ka na densema sorkar ki aika raksatsüogo, aser nisung ti tashi taküm samaogo.
Liso nüburtem temeten kümzüka ayutsü atema agizükba bill asemji – Protection of Manipur People Bill, 2015, Manipur Land Revenue and Land Reforms (7th amendment) Bill, 2015 aser Manipur Shops and Establishments (Second Amendment) Bill, 2015 lir.