Manipur nung bomb ka apok

Imphal September 26 (Agencies): Hombarnep Imphal East district kübok Mantripukhri tesem nung bomb ka pokogo, ajisüaka tang tashi nung nisung asüba osangbo kecha mali.
Bomb ya anepdang 2:00 ako nung Mantripukhri, Mercylane tesem nung bank branch ka nungi meter 45 shi or apok, aser iba ajanga nisung talidak ki ka indang wall tera raksatsü. Iba bomb shironki pokdaktsüar police temi tang tashi mejangjateter.
Temetetsükaji September 16 nüa mejangjaba nisung kari north Imphal, Mantripukhri tesem nung Mukesh K Sharma’er kima grenade ka mereplokja pokdaktsüba nung nisung pezü yirua liasü.