Manipur nung China nunger ka apu

Imphal, October 27 (Agencies): Manipur nung China nunger ka Protected Area Permit (PAP) maliba atema apu. Taküm October ita Manipur nung PAP maliba China nunger tasembuba puogo.
Bodbarnü CID, Special Branch-i China nunger Liu Peng Tulihal International Airport, Imphal nung apu.
Peng ji Manipur nungi Kolkata adena Mumbai-i aotsüba lia apu. Pa October 22, 2017 nü Kolkata adena Bengaluru nungi Manipur-i aruba liasü.
Peng mapudang October 7 nü Tulihal International Airport nung China nunger He Xiong aser Liu Zinxin na apu. Tenaprong ket nung PAP bena maliasü.
Tenaji October 3 nü Kolkata nungi Manipur-i aruba liasü. Tena ket nung Passport aser Visa dena tanga kulikakettem bena liasü.
He aser Liu naji October 7 nungi 10, 2017 tashi police ket nung ayu aser October 11 nü Imphal court kati tena dang nungi sen 10,000 senchi meshir chiok.
Tesem kar nung PAP medeni bendangertemi senzüsenbongtsü makok. Ajisüaka, Ministry of Home Affairs (MHA)-i Manipur, Mizoram aser Nagaland nung December 31, 2022 tashi iba tenokdangba salatsüogo.
Item state tem nung December 31, 2017 nungi December 31, 2022 tashi Foreigners (Protected Areas) Order, 1958 kübok “Protected Area Regime” nung ajemdaker salatsür, ta MHA-i metetdaktsü.
Manipur, Mizoram aser Nagaland state tem nung January 1, 2013 nungi “Protected Area Regime” kübok maitdaktsü aser iba telemtetbaji 2014 tashi atsülangtsüa liasü.
Ajisüaka, iba nung Chinese, Afghan aser Pakistani sensopurtem madener aser aibelenertemji Foreigners Act kübok tai tongloktsür.