Manipur nung dokan kima IED ka apok, nisung ka yiru

Imphal, March 10 (Agencies): Mejangjatetba nisung kari Imphal yimti shishilembaba tesem nung IED bomb ka pokloktsüdang tetsüng ana aketba gari (two-wheeler) ayoker ka yirutsü, ta police ketdangser kati tanü Brihostibarnü metetdaktsü.
IED apokba lendong ya yasüng, Bodhbar aonung, Khoyathong tesem nung aliba Honda Scooter tem ayokba kima atalok, ta ketdangser jagi ashi.
Iba tapoktsü jagi dokan kijiba indang aina kar ajazüka aludaktsüogo aser yirusangji mozü kidang mozü kar agütsürbo yok, ta kasa ketdangserisa ashi.
Iba lendong ya sen akhangba magütsüba ajanga südi ta temulung melemi bilemer, ta osang ajanga ashi.