Manipur nung EVMs nung candidates noksa amshitsü

Imphal, January 05 (Agencies): March ita nung Manipur aser Uttarakhand na assembly elections mapang Electronic Voting Machines (EVMs) nung candidates noksa amshitsü, ta Chief Electoral Officer (CEO), VK Dewangan-i metetdaktsü.
Tang mezüngsüa linük nung state ana nung ibaji amshitsü, ta yashi Imphal nung osangbenertem senden ka nung pai metetdaktsü.
Manipur Assembly nung MLA 60 shimtsü atema March 4 aser March 8, 2017 nü election agitsü, aser iba state nung vote agütsütsü temsüa alir nisung 18,07,843 lir.
State nung polling station 2,794 amenoktsü.
Mezüngbuba shilem district 6 kübok Assembly constituency 38 nung eection agitsü aser March 8 nü district 10 nung tanüngba assembly constituency 22 nung agitsü.
Yashi Election Commission-i state pongu nung election agitsü atema sangdonga liasü.