Manipur nung hon aser temesepba mozü apu

Kohima, Mongputeni/October 11, 2019 (TYO): Assam Rifles-i October 10, 2019 Bodbarnü tesem ana mita aoba mapang parnoki Tengnoupal District kübok Khudengthabi nung sen lakh 90 alang temesepba mozü apu aser Moreh nungi sen cr 1.9 alang hon tuozük seret 5 ngutetta liasü, ta PRO (DEF) sangdong ka ajanga metetdakja liasü.
Mezüng, Assam Rifles-i check post ka lendanga ataba mapang, temulung melemi bilemba nisung ka Kenbo motorcycle nung aruba mapang sepaitemi pa anendakja liasü. Motorcycle junga mita reprangba sülen sepaitemi sen lakh 90 alang WIY talep 150 (WIY süngjang 30,000 densema lir) nguteta liasü, ta sangdong ajanga metetdaktsü.
Kasa anogo, aonung tsütsü Assam Rifles-i Moreh district kübok New Champai anasa arem ka mita aoba mapang hon ngutetta liasü. Ajisüaka, hon bena alisang jena oadok.
Item maparen dak sendakba nung maneni bushisüngdangtsü atema apusang aser pa ket nungi ngutetba mozütem; aser hontem police ket nem bendanga agütsüogo, ta kasa sangdong ajanga metetdaktsüogo.