Manipur nung HPC(D) telungpur ka apu

Aizawl, October 17 (Agencies): Hokolbar aonung Jograpur, Manipur nung Assam Rifles temi Manipur nung aliba Hmar People’s Convention (Democrats) telungpur telok nung “Sergeant” Biakliana pua lir, ta Honibar nü Mizoram police-i metetdaktsü.
Biakliana ya HPC(D) telok nung commander lir aser pa lenisüba nung March 28 nü Mizoram o Manipur na arrtsülen Zokhawthiang tesem nung ‘Mizoram Assembly Committee on Government Assurances’ telok mendanga atar akahba mapang police asem kahset, ta Mizoram police ketdangser kati ashi.
“Biakliana ya ozüng alema mapa tamajung inyakba dak sentakba nung Mizoram Police-ia aputsü bushia liasü aser Manipur den arrtsülen aliba police station tem nung pa anema case aika benoka lir,” ta kasa ketdangserisa ashi.
Pa ya Mizoram-ia anir arua temerenshi dalang agütsütsü akok, ta osang ka ajanga metetdaktsü.