Manipur nung IED abener 3 apu

Imphal, February 18 (Agencies): Manipur kübok Imphal West district nung nisung asem ket nungi Improvised Explosive Device (IED) aser detonator ka apu.
Osang tejangja ka angazükba sülen, Manipur police commando temi Moreh-Imphal highway nung garitem mita reprangdang 1.5 volt batteries ti apu. Iba ya detonator yangludang amshir, ta Imphal West district superintendent of police (SP) K Meghachandra-i ashi.
Gari nung tapoktsütem abenba nisung ana ana police-isa apu.
Myanmar kübok Tamu jila nung PREPAK züngsem ka ket nungi nisung ana jagi tapoktsütemji bener aru. Tenati Imphal kübok Telipati nung nisung ka nem agütsütsüba liasü, ta SP Meghachandra-isa ashi.
Tenati nangzükba nung ajemdaker, police-i tanga nisung ka apu aser pa ket nung IED ka, detonator ka, remote control ka, 9 volt batteries ana, ammunition aser mobile phone ka ngutet.
Telipati tesem nung sepaitem mapa lemzüka anüker aser parnoki idakji IED ji pokdaktsütsü terenemba liasü, ta SP Meghachandra-isa ashi.