Manipur nung Indian Army-i gari lenmang yanglutsü

Imphal, September 20 (Agencies) : Tzünglu kanga aruba aser anentsüh aiben aluba ajanga ita asem tashi Tamenglong district kübok kilometre 12 shi Tamenglong-Azuiram lenmang shibanger aliba Indian Army-i yanglutsüogo.
Iba mapa ya Red Shield Division kübok Senapati Bridge nungi Tamenglong Battalion aser nübortem yaritepa yanglu ta Defence osang ka ajanga metetdaktsü.
Ita asen tashi Tamenglong-Azuiram lenmang nung mesenzüteti shibanga liasü aser taoba hopta yangluba sülen Azuiram yimtsüng nung alirtemi parnok district headquarters, Tamenglong-i oteter, ta Defence osang nungsa shia lir.
Azuiram village council nung Chairman-ia Indian Army dang par yimer yariba atema pelaba metetdaktsüogo.