Manipur nung ki 10 tema rongdoktsü

Imphal, September 17 (Agencies): Mongulbar anepdang Manipur kübok Senapati district nung ki 10 tema rongdoktsü.
Iba lendong ya Makhan Khuman yimtsüng nung atalok aser nisung kar AK-47 o M-16 prangpongtem amer arur ki 10 dak tema nung mi senoktsü ta osang angazüker.
Makhan People Organisation (MPO)-i iba tatalokba khukhua aitsüogo aser parnoki tanü -2 Imphal-Dimapur road mokdanger lungkak ait.
MPO-isa police dang ghonda 24 tsüngda iba mapa inyakertem ajak aputsü atema mapang züngzüktsüogo. Police-i meinyaktetra parnoki mapang telatet melii national highway mokdangtsü ta amokmerenogo.