Manipur nung kümzükba Nepali nunger meyipa yoktsü: Maneka Gandhi

Imphal, February 15 (Agencies): Manipur nung tawa kümzükba Nepal nunger tetsür 147 aser tebur 32 ji parnok linüki meyipa yoktsü, ta Union Women and Child Development Minister Maneka Gandhi-i ashi.
Nepal nungi nisung shibelenba nungi kümzükertem meyipa yoktsü atema External Affairs Ministry-i temelaba agütsüogo, Minister-i Twitter nung metetdaktsü.
Imphal nung ketdangsertemi Nepal sorkar ketdangsertem den yaritepa tanurtem ajak indang maitsü jangjaogo. Parnok kobi melii Nepal-i yoktsü aser parnok tsüraburtem den tanaben ajuruteptsü, ta laisa ashi.
Nepal nung tebur aser tetsür tanurtem middle east-i shibelenba ya kanga dang süoki ia bilemtsüla. Tawa tu Manipur nung tetsür 147 aser tebur 32 tashi kümzük. Parnok ya Myanmar adena Dubai-i anir aotsüba liasü, ta Maneka-isa shisem.