Manipur nung mesü kümzüka ayutsü atema Centre-i yaritsü : Javadekar

Imphal, January 9 (Agencies) : Centre-i Manipur nung dang anguba mesü (brow antlered deer) kümzüka ayutsü atema teyari agütsütsü ta Union Minister Prakash Javedkar-i metetdaktsü.
2013 census ajanga ashiba agi tang alima nung iba mesü ya 204 dang lir.
Manipur nung aliba Keibul Lamjao National Park semdangba sülen Union minister for forest, environment & climate change Javedkar-i iba osang metetdaktsü.
Keibul Lamjao National Park nung Sangai ta ajaba mesü alir.
Tang iba mesü ya tebong 90, tetsü 86 aser techanu 28 lir ta angazüker. Iba sama aoba shiruru kümzüka ayutsü atema teyari agütsütsü. Tang mesü timba kümogo kechiyong 2000 küm 180 dang liasü, ta Javedkar-i metetdaktsü.
Manipur sorkari Loktak lake ji world heritage site ka kümdaktsünür aser iba sentongji onoki pela agizüker, ajisüaka mezüng iba tebilembaji Centre den lemsateptsüla, ta paisa ashi.