Manipur nung Naga civilian trok tepsetba atema 2 apu

Imphal, July 10, 2026 (Agencies): National Investigation Agency (NIA), Central Reserve Police Force (CRPF) aser Manipur Police külem telok kati Kangpokpi district nung nisung ana puogo. Naga civilian trok apuba aser tepsetba ken o dak sendakba nung tena apu ta osang angazüker.

May 13 nü nisung tepsetba nung densema alirtem aliba osang tejangja angazükba sülen Hokolbarnep züngia Leilon Vaiphei yimtsüng mita ao aser idangji nisung ana apu.

Tena ya Pradip aser pa kinungtsü Ayingbi na ta jangjaogo aser tenaprong Leilon Vaiphei village nung alir.

“Osang tejangja angazükba nung ajemdaker Manipur Police, NIA aser CRPF joint team kati May 13, 2026 nü Leilon Vaiphei village nung Naga nunger trok tepsetba nung shilem agir nisung ana aputsü atema operation tenzük” ta Manipur Police-i metetdaktsü.

Naga civilian trok ya May 13 nü pur aoba sülen June 11 nü Kangpokpi district nung arem ka nung tepseter lia angu.

Külen, Naga Students’ Federation (NSF)-i Brihostibarnü President Droupadi Murmu dang Manipur nung mepetemsü mapang tai maketba Naga civilians nem temeten agütsütsü aser kümzüka ayutsü mepishiogo.

NSF-i Nagaland Governor ajanga India President dangi memorandum ka züluba nung Naga civilian trok pur aoba, reshikangshiba aser tepsetba atema temeten meshiogo.