Manipur nung Naga nunger telungpur 3 apu

Imphal, April 18 (Agencies) : Chandel district kübok Aibol Joupi tesem nung Assam Rifle temi Manipur Naga Revolutionary Front (MNRF) telungpur asem apu aser parnok ket nungi prangpong aser injang aika nguteta lir.
Item telungpur ya Ukhrul district, Manipur nungi lir aser parnok ajak ya arishi küm 20 tsüngda pur lir. Par asem ya yashi, Deobarnü apu, ta Assam Rifle sangdong ka ajanga metetdaktsü.
Ano parnok den yariteper, arishi küm 30 tain, Myanmar nungera pua lir.
Assam Rifle tem item telungpur ket nungi rifle kar, magazine kar, injang 180 aser Chinese hand grenade ka ta nguteta lir, ta sangdong ajangasa ashi.
Par asem den parnok ket nung aliba prangpong aser injang ajak Kakching Police nem bendanga angutsüogo, ta sangdong ajanga ashi.